(1890) Los pelos del Filanguiru
Pechu el de Pinón de Rita,
Conceyón hasta el zapetu,
En un filanguiru dixo:
-¡Abaxo Muñón cimeru!
-Esa ye poca razón
Faló Liru el de Forniellus,
Que si homes enfocicaus
Hay en Les Puentes con pelu,
Non chamben aquí rosquiyes
Ni azúcare los mocecus,
Y saben voItar ablanus
N'el praducu de Don Restu.
-Mira, Liru, poco picu...
Al oir esto los vieyus
Zapicanon, y á les moces
Entró la cambre y los niervus.
Entóncenes la mozaca
Qu'entamara isti sucesu,
Platiquera cual denguna,
Guapuca; pero con pepu,
Dixo a Pechu: ¡Xenerucu!...
Non busques uñes al guetu.
-¡Congrio!... ¡Viven les Calristes!...
-¡Coni!... ¡Que remangu el pelu!...
Y Pechu y Liru brincanon
Bufando como dos xetus.
EI candil á montaraes
Morrú, y, per si había enriedu,
Les mozaques les rodiyes
Con el refaxu xuncienon;
Los ninos colaron toos...
Cólica daba á los vieyus
Y Liru gritaba:-¡ Coni !..
Y-¡Congrio! gritaba Pechu.
Y de esfocicáes pegase
Quedanon los dos mocecus
Tan fartos como dos chobos
Pe la seronda ó Xunetu !...